صدر مملکت آصف علی زرداری نے اپنے دورہ چین کے دوران چنگدو میں ممبر پولیٹیکل بیورو اور وزیر پبلسٹی ڈیپارٹمنٹ لی شو لی سے ملاقات کی ۔ملاقا ت میں دو طرفہ تعاون کو سیاسی، اقتصادی اور ثقافتی شعبوں میں بڑھانے پر بات چیت کی گئی ۔صدر آصف علی زرداری نے صوبہ سچوان میں مہمان نوازی پر شکریہ ادا کیا اور دوسرے گولڈن پانڈا فورم کے کامیاب انعقاد پر مبارکباد دی ۔ لی شو لی نے صدر زرداری کو چین میں خوش آمدید کہا اور صدر شی جن پنگ کی نیک تمنائوں سے آگاہ کیا۔لی شو لی نے صدر زرداری کے فروری کے دور چین اور حال ہی میں چائنا ڈیلی میں شائع ہونے والے مضمون کی تعریف کی ۔ لی شو لی نے کہا کہ آپ اور صدر شی جن پنگ نے پاکستان-چین تعلقات میں قیادت فراہم کی، دونوں ممالک ہمیشہ مضبوط بھائی رہیں گے ۔انہوں نے کہا کہ دنیا کو آج کتابوں کی خوشبو کی ضرورت ہے نہ کہ بارود کی بو اور پاکستان-چین دوستی آئندہ برسوں میں مزید فروغ پائے گی۔

کریڈٹ: انڈیپنڈنٹ نیوز پاکستان-آئی این پی