شکارپور میں پولیس اور رینجرز نے ڈاکوئوں کیخلاف مشترکہ کارروائی کرتے ہوئے 7 مغوی کو بازیاب کرالیا ۔ پولیس حکام کے مطابق شکار پور کے کچہ شاہ بیلو میں پولیس اور رینجرز نے کامیاب ٹارگٹڈ آپریشن کرتے ہوئے سات مغویوں کو بازیاب کروا لیا۔پولیس حکام نے بتایا کہ بازیاب مغویوں کا تعلق گائوں سکھیو ملک سے ہے، کامیاب آپریشن کے دوران ڈاکوئوں کے ٹھکانے بھی مسمار کر دئیے گئے۔ یاد رہے کہ گزشتہ روز شکارپور میں پولیس آپریشن روکنے کے لیے ڈاکوئوں نے ان 7 افراد کو اغوا کیا تھا، پولیس کا اس حوالے سے کہنا تھا کہ اغوا کئے گئے افراد میں 4 سالہ سلیمان، عزیز اللہ، نور محمد، فرحان، شفیع محمد شامل تھے۔

کریڈٹ: انڈیپنڈنٹ نیوز پاکستان-آئی این پی