سی پیک جوائنٹ ورکنگ گروپ برائے انفرسٹکچر کااجلاس  منگل کو چین میں ہوگا، پاکستانی وفد چین پہنچ گیا   جوائنٹ ورکنگ گروپ کے ایجنڈے میں ریلوے منصوبہ ایم ایل ون سرئے فہرست ہے، پاکستان کا اعلیٰ سطحی وفد  آج  چین میں ہونے والے سی پیک کے جوائنٹ ورکنگ گروپ برائے انفرسٹکچر میں شرکت کر رہاہے۔وفد کی سربراہی وفاقی سیکرٹری  مواصلات کررہے ہیں جبکہ وفد میں وفاقی سیکرٹری ریلوے  اوردیگر حکام بھی شریک ہیں  ۔اس خبررساں ادارے کے مطابق چین پاکستان اقتصادی راہداری(سی پیک) کے جوائنٹ ورکنگ گروپ برائے انفرسٹکچر (جے  ڈبلیوجی ) برائے انفرسٹکچر کا اجلاس آج بروز منگل 26ستمبر کو چین میں ہورہاہے جس میں شرکت کرنے کے لیے پاکستانی وفد چین  چلاگیاہے وفد میں وفاقی سیکرٹری مواصلات محمدخرم آغا، سیکرٹری ریلوے مظہرعلی شاہ ودیگر حکام  شریک ہیں ۔سی پیک کے جے ڈیلیو جی  برائے انفرسٹکچر کے ایجنڈے میں ریلوے کامنصوبہ ایم ایل ون سرئے فہرست ہے  ۔

اسکے  ساتھ شاہراؤں کے منصوبوں کے حوالے سے بھی ایجنڈا زیر غور آئے گا۔ذرائع کاکہناہے کہ پاکستان انفرسٹکچر کے تمام نئے منصوبوں کو شروع کرنے کے لیے کام مکمل کررہاہے تاکہ بی آرآئی  کے دس سال مکمل ہونے کے حوالے سے اکتوبرمیںہونے والے اجلاس میں ان کی منظوری ہوجائے جس میں چینی صدر شرکت کریں گے ۔(محمداویس)

کریڈٹ: انڈیپنڈنٹ نیوز پاکستان-آئی این پی