سیالکوٹ میں سیلاب میں بہہ کر آنے والے 3 ہرن کو ریسکیو کرلیاگیا۔ڈپٹی چیف وائلڈ لائف کے مطابق ہرن چپراڑ اور بجوات کے علاقوں سے ریسکیو کیے گئے۔ 2 ہرن ری ہیبلیٹیشن کے لیے لاہور جلو پارک منتقل کر دئیے گئے ہیں۔ڈپٹی چیف وائلڈ لائف کا کہنا ہے کہ ایک زخمی ہرن کو سیالکوٹ وائلڈ بریڈنگ سینٹر منتقل کیا گیا ہے۔یاد رہیکہ بھارت کی جانب سے پانی چھوڑے جانے اور بارشوں کے باعث دریائے چناب، ستلج اور راوی بدستور سیلاب کی لپیٹ میں ہیں اور دریائوں میں پانی کے بہا ئو میں اضافہ ہو رہا ہے۔سیلاب کے باعث پنجاب بھر میں اب تک مجموعی طور پر 45 ہزار سے زائد افراد نقل مکانی کرچکے ہیں۔

کریڈٹ: انڈیپنڈنٹ نیوز پاکستان-آئی این پی