سیکرٹری اطلاعات پی ٹی آئی روف حسن نے میاں عباد فاروق کے بیٹے کی وفات پرافسوس کا اظہار کیا ہے اور کہا ہے کہ کسی بھی ہسپتال کا علاج سے انکار کے بعد 9 سالہ عمار فاروق دم توڑ گیا، جس کا جرم صرف یہ تھا کہ وہ میاں عباد فاروق کا بیٹا ہے، اور عباد فاروق کا جرم یہ ہے کہ وہ پی ٹی آئی کا ٹکٹ ہولڈر اور عمران خان کا مخلص پیروکار ہے، یہ اتنا بڑا جرم ہے کہ وہ 135 دن سے غیر قانونی حراست میں ہے، عمار اپنے گھر پر آدھی رات کو کیے جانے والے مسلسل حملوں کی وجہ سے صدمے کا شکار تھا،اور شدت سے اپنے والد کے واپس آنے کا انتظار کر رہا تھاجس کی ضمانت مسترد کر دی گئی تھی، عمار چلا گیا کیونکہ عدلیہ شہریوں کے بنیادی حقوق کو یقینی بنانے کے لیے اپنی ذمہ داری پوری کرنے میں ناکام رہی، اور میڈیانے پی ٹی آئی پر مسلسل اور وحشیانہ ریاستی حملوں پر خاموشی اختیار کیے رکھی، انہوں نے کہا کہ عمار کی قربانی کو کبھی بھلایا نہیں جا سکتا،اور نہ ہی یہ قربانی رائیگاں جائیں گی، یہ قربانیاں پاکستان کے لیے حقیقی آزادی کے سفر کو مزید تیز کر دے گی، اس ننھے فرشتے پر خدا کی رحمتیں نازل ہوں جو جسمانی طور پر تو ہمارے درمیان موجود نہیں ہے، لیکن وہ ہمیشہ ہمارے خیالوں میں زندہ رہے گا۔

کریڈٹ: انڈیپنڈنٹ نیوز پاکستان-آئی این پی