سیلاب سے متاثرہ ایم فائیو موٹر وے پر یکطرفہ ٹریفک بحال کرنے کا فیصلہ کرلیا گیا ہے۔وفاقی وزیرمواصلات عبدالعلیم خان کی ہدایت پروفاقی سیکرٹری نے سیلاب سے متاثرہ موٹروے ایم فائیو کا دورہ کیا،چئیرمین این ایچ اے کے ہمراہ جلال پورمیں ایم فائیو کا معائنہ کیا،وفاقی سیکرٹری مواصلات کاکہنا تھا انجینئرز اورمتعلقہ حکام کو ایم فائیو پر ٹریفک جلد بحال کرنے کی ہدایات جاری کر دی ہیں،موٹرویکوسیلاب سے چار مقامات پرنقصان پہنچا اس کے ازالے کیلئے تیزی سے کام جاری ہے،موٹرویز اورسڑکوں کی جنگی بنیادوں پر بحالی ہو رہی ہے۔ایم فائیوکی بحالی کے ساتھ ساتھ مزید نقصان سے بچانے پر بھی کام جاری ہے،ضلع ملتان میں شاہراہوں کی بحالی پر منتخب نمائندوں اور انتظامی افسران سے دوبارہ مشاورت کی جائے گی ۔

کریڈٹ: انڈیپنڈنٹ نیوز پاکستان-آئی این پی