بلوچستان کے ضلع ژوب میں سکیورٹی فورسز کے آپریشن میں فتنة الہندوستان کیمزید 3 خوارج کو جہنم واصل کردیا گیا جبکہ چار روز میں بھارتی حمایت یافتہ 50 خوارج ہلاک کردئیے گئے ہیں ۔پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسزنے 7 تا 9 اگست کو ژوب کے علاقے سمبازہ میں کارروائیاں کیں اور اس آپریشن کے دوران مزید 3 بھارتی حمایت یافتہ خوارج ہلاک کردئیے گئے ہیں۔ جبکہ ان کے قبضے سے اسلحہ، گولہ بارود اور بارودی مواد بھی برآمد ہوا۔ آئی ایس پی آر کے مطابق 7 تا 9 اگست کو ژوب میں کارروائیوں کے دوران 47 خوارج مارے گئے ۔اس کے بعد، 10 اور 11 اگست کی درمیانی شب پاکستان افغانستان سرحد کے ساتھ واقع سمبازہ کے نواحی علاقوں میں ایک کلیئرنس آپریشن کیا گیا۔جب کہ 4 روزہ انسدادِ دراندازی آپریشن میں ہلاک خوارج کی مجموعی تعداد اب 50 ہوگئی۔ آئی ایس پی آر کا کہنا ہیکہ سکیورٹی فورسز ملک کی سرحدوں کے تحفظ اور امن و استحکام کے لیے پرعزم ہیں، سکیورٹی فورسز ملکی ترقی کو سبوتاژ کرنے کی کوششوں کو ناکام بنانے کے لیے پرعزم ہیں۔

کریڈٹ: انڈیپنڈنٹ نیوز پاکستان-آئی این پی