i پاکستان
سمز لیب و ڈائیگناسٹک سنٹر کا کام 10 روز میں مکمل کرنے کا حکمتازترین
February 07, 2024
نگران وزیراعلی پنجاب محسن نقوی نے سروسز انسٹیٹیوٹ آف میڈیکل سائنسز (سمز))کی لیب اور ڈائیگناسٹک سنٹر کا کام 10 روز میں مکمل کرنے کا حکم دے دیا۔ وزیراعلی محسن نقوی نے رات گئے سمز لیب و ڈائیگناسٹک سنٹر پراجیکٹ اور زیر تعمیر پولیس خدمت مرکز شاد مان کا دورہ کیا، وزیراعلی پنجاب نے سمز لیب و ڈائیگناسٹک سنٹر کے اپ گریڈیشن پراجیکٹ کو 10 روز میں مکمل کرنے کا حکم دے دیا۔ محسن نقوی نے سمز لیب و ڈائیگناسٹک سنٹر کے توسیعی منصوبے کی تکمیل کے لئے کمشنر لاہور محمد علی رندھاوا کو ٹاسک دے دیا، انہوں نے سمز لیب و ڈائیگناسٹک سنٹر کی پارکنگ کے لئے بھی جگہ مخصوص کرنے کی ہدایت کی۔ بعدازاں وزیراعلی محسن نقوی نے پولیس خدمت مرکز شاد مان کے زیر تکمیل پراجیکٹ کا جائزہ لیا اور خدمت مرکز کے لئے پارکنگ اور ڈرائیونگ ٹیسٹ کے لئے کشادہ جگہ رکھنے کی ہدایت کی۔
کریڈٹ: انڈیپنڈنٹ نیوز پاکستان-آئی این پی
متعلقہ خبریں
