سندھ ہائیکورٹ نے جمشید محمود عرف جامی کی سزا معطل کردی۔سندھ ہائیکورٹ میں فلم پروڈیوسر، رائٹر، ڈائریکٹر جمشید محمود کی سزا کیخلاف اپیل کی سماعت ہوئی جس میں عدالت نے جمشید محمود کو ماتحت عدالت سے دی گئی سزا معطل کردی۔عدالت نے 50 ہزار روپے کے مچلکوں کے عوض جمشید محمود عرف جامی کی ضمانت منظور کی۔ وکیل حافظ محمد یحیی ایڈووکیٹ نے بتایا کہ کہ جمشید محمود عرف جامی کو جیل سے رہا کردیا جائے گا۔واضح رہے کہ ایڈیشنل سیشن جج نے ڈائریکٹ کمپلین پرجمشید محمود عرف جامی کو دو سال قید اور جرمانیکی سزا سنائی تھی۔جامی کیخلاف فلم، میوزک ڈائریکٹر سہیل جاوید نے ہتک عزت کے تحت ڈائریکٹ کمپلین دائر کی تھی۔

کریڈٹ: انڈیپنڈنٹ نیوز پاکستان-آئی این پی