سندھ حکومت نے وفاقی حکومت کے گندم درآمد کرنے کے فیصلے کی مخالفت کر دی۔ وزیرِ خوراک سندھ مخدوم محبوب الزمان نے کہا ہے کہ درآمدی گندم سے مقامی کاشت کاروں کو نقصان پہنچے گا۔ایک انٹرویو میں انہوں نے کہا ہے کہ پنجاب حکومت بین الصوبائی گندم کی نقل و حرکت محدود کر رہی ہے، پنجاب میں 7 ملین میٹرک ٹن گندم سرپلس جبکہ سندھ میں تقریبا 1 ملین میٹرک ٹن کی کمی ہے۔وزیرِ خوراک سندھ کا کہنا ہے کہ سندھ حکومت پاسکو سے گندم خرید کر سندھ کا ٹارگٹ پورا کرنے جا رہی ہے۔مخدوم محبوب الزمان نے کہا ہے کہ کراچی میں آٹے کا ریٹ 130 اور 140 روپے ہے۔

کریڈٹ: انڈیپنڈنٹ نیوز پاکستان-آئی این پی