ڈسٹرکٹ اینڈ سیشن کورٹس اسلام آباد نے کہا ہے کہ سپرنٹنڈنٹ اڈیالہ جیل بانی پی ٹی آئی کی حاضری کے انتظامات کرنے میں ناکام رہے، انہیں شوکاز نوٹس جاری کیا جاتا ہے۔ تفصیلات کے مطابق ڈسٹرکٹ اینڈ سیشن کورٹس اسلام آباد نے بانی پی ٹی آئی کی حاضری نہ لگانے پر سپرنٹنڈنٹ اڈیالہ جیل کو شوکاز کا تفصیلی حکم نامہ جاری کر دیا۔ ایڈیشنل سیشن جج طاہر عباس سپرا نے شوکاز نوٹس جاری کرنے کا تفصیلی حکم نامہ جاری کیا۔ عدالت نے کہا ہے کہ سپرنٹنڈنٹ اڈیالہ جیل کو بانی پی ٹی آئی کی ویڈیو لنک پر حاضری لگانے کا کہا گیا تھا، سپرنٹنڈنٹ اڈیالہ جیل کو عدالت کی جانب سے خط بھی لکھا گیا تھا۔ سیشن عدالت کی جانب سے کہا گیا ہے کہ سپرنٹنڈنٹ اڈیالہ جیل بانی پی ٹی آئی کی حاضری کے انتظامات کرنے میں ناکام رہے، انہیں شوکاز نوٹس جاری کیا جاتا ہے۔ سیشن عدالت کا کہنا ہے کہ نوٹس دیا جاتا ہے کہ سپرنٹنڈنٹ جیل کے خلاف کیوں نہ توہین عدالت کی کارروائی کی جائے؟ وہ 11 مارچ کو شوکاز نوٹس کا جواب جمع کروائیں۔

کریڈٹ: انڈیپنڈنٹ نیوز پاکستان-آئی این پی