پاکستان مسلم لیگ(ن) اوورسیز کے صدر چوہدری عبد الرحمان نے کہا ہے کہ صرف شریف برادران ہی ملک کو مسائل سے نکال سکتے ہیں اس لئے پاکستانی عوام الیکشن میں مسلم لیگ(ن) کو کامیاب کرائیں تاکہ ترقی کا سفر دوبارہ شروع ہو سکے اور غریب عوام کو باعزت طریقے سے دو وقت کی روٹی مل سکے، الیکشن مہم کے لئے سمندر پار پاکستانیوں کی بڑی تعداد پاکستان جائے گی،عیسائی برداری پاکستان کا اثاثہ ہے ،گزشتہ روز یہاں کرسمس کے حوالے سے منعقدہ تقریب سے خطاب کرتے ہوئے چوہدری عبد الرحمان نے کہا کہ اقلیتیں پاکستان کا اثاثہ ہیں اور انہیں پاکستان میں وہی عزت اور حقوق دیے جاتے ہیں جو عام شہری کو حاصل ہیں، قیام پاکستان میں بھی اقلیتی برادری کا اہم کر دار ہے ،انہوں نے کہا کہ پاکستان میں بڑھتی ہوئی مہنگائی،بے روزگاری اور غربت کے خاتمے کا پلان صرف مسلم لیگ (ن) کے پاس ہے اور میاںنواز شریف ہی ملک کو مسائل سے نکالیں گے ، اس میں کوئی شک نہیں کہ مسلم لیگ(ن) اس وقت ملک کی مقبول ترین جماعت ہے لیکن عوام کو چاہیے کہ وہ 8فروری کو مسلم لیگ(ن) کو ووٹ دیں تاکہ ملک کو مسائل سے نکالا جا سکے،انہوں نے کہا کہ نواز شریف جب بھی وزیر اعظم بنے ملکی معیشت مضبوط ہوئی اور غریب کو اس حق ملا لیکن بد قسمتی سے ان کو اپنی مدت پوری نہیں کرنے دی گئی جس کہ وجہ سے آج ہم پیچھے چلے گئے ہیں، ملک کی معاشی صورتحال انتہائی خطرناک ہے جبکہ غریب سے جینے کا حق چھین لیا گیا ہے ، بڑی تعداد میں لوگ ملک چھوڑ رہے ہیں،نواز شریف ایک بار پھر پاکستان کو ایشئین ٹائیگر بنائیں گے۔

کریڈٹ: انڈیپنڈنٹ نیوز پاکستان-آئی این پی