پی ٹی آئی نے وزیراعلی پنجاب مریم نواز کو ایک بار پھر کڑی تنقید کا نشانہ بناتے ہوئے کہا ہے کہ ذاتی تشہیر کی بھوکی اس ٹک ٹاکر وزیراعلی میں نہ کوئی شرم و حیا ہے اور نہ احساس ہے، ا سلئے سیلاب متاثرین کی امداد کے لئیپہلی شرط راشن بیگ پر تھیف منسٹر کا چہرہ چھپا ہونا چاہیئے۔ سوشل میڈیا پلیٹ فارم ایکس پر پی ٹی آئی کے آ فیشل اکائونٹ سے جاری بیان میں کہا گیا ہے کہ ایک طرف سیلاب متاثرین کے نام پر امداد اکٹھی کی جارہی تو دوسری طرف ذاتی تشہیر کیلئے کروڑوں روپے لگا کر مریم نواز کی تصاویر والے ڈبے چھپوائے جارہے، تاریخ میں ایسا گھٹیا پن نہیں دیکھا۔پی ٹی آئی کا کہنا ہے کہ جعلی پنجاب حکومت کی وزیراعلی اور منسٹرز ٹک ٹاک ویڈیوز بنانے کی حد تک کام کرتے نظر آرہے عملا صوبہ بھر میں حکومتی سطح پر سیلاب متاثرین کی امداد کے حوالے سے کوئی کارکردگی نظر نہیں آرہی، ہیڈ سندھانی میں سیلاب متاثرین کھلے آسمان تلے بے یار و مددگار رہنے پر مجبور ہیں، تاحال ان تک ان کے رہنے کیلئے خیمہ بستی قائم کی گئی نہ راشن نہ ادویات اور نہ ہی کوئی امداد پہنچی۔ پی ٹی آئی کا کہنا ہے کہ رائیونڈ میں ایک ن لیگی رہنما مائی وڈیری سیلاب متاثرین میں چائے کا کپ اور ایک ایک رس تقسیم کررہی ہیں، سیاست کرنی ہے چاہے ایک رس ہو یا چائے کا کپ ہو اور یہاں سیلاب متاثرین کا رش دیکھیں، بے چارے ایک رس کیلئے بے چین ہیں، یہ رائیونڈ لاہور کے مناظر ہیں اس سے اندازہ لگایا جا سکتا ہے دور دراز دیہی علاقوں میں بھوک کا کیا حال ہوگا اور کتنی امداد پہنچائی جارہی ہوگی۔

کریڈٹ: انڈیپنڈنٹ نیوز پاکستان-آئی این پی