لاہور ہائی کورٹ نے بانی پی ٹی آئی کی توشہ خانہ کیس میں نااہلی کے خلاف درخواستیں سماعت کے لیے مقرر کر لیں۔ بانی پی ٹی آئی کی درخواستوں پر عدالت عالیہ کے جج جسٹس شاہد بلال حسن کی سربراہی میں 5 رکنی لارجر بنچ 12 جنوری سے سماعت کرے گا۔ بنچ کے دیگر اراکین میں جسٹس شمس محمود اور جسٹس شاہد کریم شامل ہیں جبکہ جسٹس شہرام سرور چودھری اور جسٹس جواد حسن بھی بنچ کا حصہ ہوں گے۔ واضح رہے کہ بانی پی ٹی آئی نے توشہ خانہ کیس میں نااہلی کو لاہور ہائی کورٹ میں چیلنج کر رکھا ہے۔

کریڈٹ: انڈیپنڈنٹ نیوز پاکستان-آئی این پی