ضلع تھرپارکر میں سانپوں کے کاٹنے کے واقعات میں اضافہ ہوگیا،ایک ماہ میں دو سو سے زائد کیسز رپورٹ ہوئے ۔سرکاری اعداد وشمار کے مطابق رواں ماہ تھرپارکرکے مختلف سرکاری اسپتالوں سانپ کے ڈسے 200کے قریب افرادکولایاگیا جبکہ ایک زخمی جاں بحق ہوگیا ۔گزشتہ 19 دنوں میں سانپ کے ڈسنے کے 190 کیسزرپورٹ ہوئے، تحصیل چھاچھرو،تحصیل اسلام کوٹ،تحصیل ننگرپارکر،تحصیل ڈیپلو اور ہیڈکوارٹر مٹھی میں کیسز رپورٹ ہوئے۔ڈاکٹروں کے مطابق سانپ کیڈسے افراد کو 7 سے 8 اینٹی سنیک وینم انجیکشن کی ضرورت ہوتی ہے،ماہرین کیمطابق تھرپارکرضلع کے صحرائی جنگل میں سانپوں کے 10 سے زائد نسلیں موجود ہیں ان زہریلے جان لیوا سانپوں سے احتیاط برتنے کی ہدایت کی گئی ہے ۔

کریڈٹ: انڈیپنڈنٹ نیوز پاکستان-آئی این پی