پاکستان کرکٹ بورڈ نے آئی سی سی انڈر 19 ورلڈ کپ اور تین ملکی سیریز کے لیے پاکستان انڈر 19 ٹیم کا اعلان کر دیا،، فرحان یوسف بدستور پاکستان انڈر 19 ٹیم کی قیادت کریں گے ۔تین ملکی سیریز زمبابوے میں 25 دسمبر سے 6 جنوری تک کھیلی جائے گی، جس میں پاکستان، افغانستان اور میزبان زمبابوے کی ٹیمیں حصہ لیں گی۔ سیریز کے دوران پاکستان انڈر 19 ٹیم چار میچز کھیلے گی جبکہ فائنل 6 جنوری کو شیڈول ہے۔ آئی سی سی انڈر 19 ورلڈ کپ 15 جنوری سے 6 فروری تک نمیبیا اور زمبابوے میں کھیلا جائے گا۔ دونوں ٹورنامنٹس 50 اوور فارمیٹ میں ہوں گے۔پاکستان انڈر 19 اسکواڈ میں ایک تبدیلی کی گئی ہے، عمر زیب کو محمد حذیفہ کی جگہ ٹیم میں شامل کیا گیا ہے۔پاکستان انڈر 19 اسکواڈ میں فرحان یوسف (کپتان )، عثمان خان(نائب کپتان) ، عبدالسبحان، احمد حسین، علی حسن بلوچ، علی رضا، دانیال علی خان، حمزہ ظہور، حذیفہ احسن، عمر زیب، مومن قمر، محمد صیام، محمد شایان، نقاب شفیق اور سمیر منہاس شامل ہیں۔

کریڈٹ: انڈیپنڈنٹ نیوز پاکستان-آئی این پی