پاکستان ٹی ٹوئنٹی ٹیم کے کے کپتان سلمان علی آغا نے اسپنر عثمان طارق کی غیر معمولی بولنگ کی بھرپور تعریف کرتے ہوئے کہا ہے کہ عثمان طارق ایکس فیکٹر ہے ۔زمبابوے کیخلاف سہہ فریقی سیریز کے میچ کے بعد گفتگو کرتے ہوئے سلمان آغا نے کہا کہ ٹیم نے منصوبہ بندی کے مطابق بہترین کارکردگی دکھائی، خاص طور پر وکٹوں کے درمیان دوڑ اور مڈل اوورز میں دبائو بنانے کی حکمت عملی کارگر ثابت ہوئی۔سلمان آغا کا کہنا تھا کہ یہ وہی کھیل تھا جو میں ٹیم سے چاہتا تھا، جب گرائو نڈ میں 70 میٹر کی باونڈریز ہوں تو رنز دوڑ کر لینا بہت اہم ہوجاتا ہے اور ہم اس پر میٹنگز میں خاص توجہ دیتے ہیں۔انہوں نے عثمان طارق کو ٹیم کا ایکس فیکٹر قرار دیتے ہوئے کہا کہ اگر ہمارے پاس ایسا بولر ہو جو مڈل اوورز میں میچ کا رخ بدل سکے تو کامیابی ہمیشہ ہماری طرف ہی رہے گی۔ پاکستان کی جیت کے ساتھ ہی قومی ٹیم نے 29 نومبر کو ہونے والے فائنل کے لیے کوالیفائی کرلیا۔

کریڈٹ: انڈیپنڈنٹ نیوز پاکستان-آئی این پی