پاکستانی کرکٹر افتخار احمد کی بالی ووڈ فلم دھرندھر کے گانے پر ڈانس کرنے کی ویڈیو سوشل میڈیا پر وائرل ہوگئی۔بالی ووڈ کی مقبول ترین فلم دھرندھر کے مشہور گانے ایف اے نائن ایل اے FA9LA پر اداکار اکشے کھنہ کے منفرد ڈانس اسٹیپس آہستہ آہستہ ایک علامتی حیثیت اختیار کر چکے ہیں۔ انسٹاگرام ریلز سے لے کر یوٹیوب شارٹس تک، یہ گانا وائرل پاپ کلچر کا پسندیدہ رجحان بن چکا ہے۔افتخار احمد نے بھی اس گانے پر ڈانس کر کے سوشل میڈیا صارفین کی توجہ حاصل کرلی۔

یہ ویڈیو اس وقت سامنے آئی جب پریذیڈنٹ کپ ٹورنامنٹ کی ٹیم خان ریسرچ لیبارٹریز نے گریڈ ون ٹورنامنٹ کے پہلے راونڈ کے چوتھے روز دفاعی چیمپئن سرکاری ٹی وی نے اسٹیٹ بینک کو 78 رنز سے ہرایا۔واضح رہے کہ گانا ایف اے نائن ایل اے دراصل بحرین کا ایک ہپ ہاپ ٹریک ہے، جسے ریپر فلیپراچی اور ڈیفی نے سال 2024 میں تحریر اور پیش کیا تھا، جبکہ اس کی موسیقی ڈی جے آٹ لا نے ترتیب دی تھی۔ یہ گانا بالی ووڈ فلم دھرندھر کے بنانے والوں کی نظر میں آنے سے پہلے ہی موجود تھا، بعد ازاں اسے فلم میں شامل کیا گیا۔فلم میں اکشے کھنہ نے رحمان ڈکیت کے کردار میں اس گانے پر رقص کیا تھا جو ناظرین میں خاصا مقبول ہوا تھا۔

کریڈٹ: انڈیپنڈنٹ نیوز پاکستان-آئی این پی