پاکستان نے انڈر 19 ایشیا کپ کے لئیاسکواڈ کا اعلان کردیا۔پاکستان کرکٹ بورڈ (پی سی بی) کی جانب سے جاری بیان کے مطابق فرحان یوسف اے سی سی انڈر 19 ایشیا کپ میں پاکستان کی قیادت کریں گے اور عثمان خان نائب کپتان ہوں گے۔ٹورنامنٹ 12 سے 21 دسمبر تک دبئی میں شیڈول ہے جس میں پاکستان گروپ اے میں بھارت، کوالیفائر 1 اور کوالیفائر 3 کے ساتھ شامل ہے۔پاکستان کا پہلا میچ 12 دسمبر کو کوالیفائر 3 کے خلاف سیونز اسٹیڈیم میں کھیلا جائے گا۔دوسرا میچ 14 دسمبر کو بھارت کے خلاف آئی سی سی اکیڈمی میں کھیلا جائے گا جبکہ تیسرا گروپ میچ 16 دسمبر کو کوالیفائر 1 کے خلاف شیڈول ہے۔سیمی فائنل 19 دسمبر کو اور فائنل 21 دسمبر کو کھیلا جائے گا۔پاکستانی اسکواڈ میں فرحان یوسف (کپتان)، عثمان خان(نائب کپتان) ، عبدالسبحان، احمد حسین، علی حسن بلوچ، علی رضا، دانیال علی خان، حمزہ ظہور، حذیفہ احسن، مومن قمر، محمد حذیفہ، محمد صیام، محمد شایان، نقاب شفیق، سمیر منہاس شامل ہیں۔سپورٹ اسٹاف میں سرفراز احمد مینیجر/مینٹور ، شاہد انور ہیڈ کوچ/بیٹنگ کوچ ، را افتخار بولنگ کوچ ، منصور امجد فیلڈنگ کوچ ، ابرار احمد ٹرینر ، عبیداللہ فزیو اور علی حمزہ اینالسٹ کے فرائض انجام دیں گے۔

کریڈٹ: انڈیپنڈنٹ نیوز پاکستان-آئی این پی