بگ بیش لیگ (بی بی ایل 15) کے دوران ایک بار پھر پاکستانی کرکٹ فینز کے لیے سٹینڈ بنانے کا فیصلہ کر لیا گیا۔آسٹریلیا کی بگ بیش لیگ کے نئے ایڈیشن میں بھی میلبرن کرکٹ گرائونڈ(ایم سی جی) میں پاکستانی کرکٹ فینز کے لیے ایک سٹینڈ مخصوص کیا جائے گا۔ایم سی جی میں اس مخصوص سٹینڈ کو ہاوس آف رئوف کا نام دیا جائے گا جو فاسٹ بالر حارث رئوف کی مناسبت سے رکھا گیا ہے، یہ سٹینڈ میلبرن سٹارز کے ہوم میچز کے دوران پاکستانیوں سمیت ساوتھ ایشین فینز کی دلچسپی کے لیے بنایا جا رہا ہے، گزشتہ سیزن میں میں بھی ایم سی سی جی میں پاکستانی سٹینڈ بنایا گیا تھا۔میلبرن سٹارز کے جی ایم میکس ایبٹ کا کہنا ہے کہ ہائوس آف ئوف بنانے کا مقصد پاکستانی شائقین کی توجہ حاصل کرنا ہے، ہم چاہتے ہیں کہ پاکستانی فینز آئیں اور ہمارے میچز میں لطف اندوز ہوں اور اپنی ثقافت کو اجاگر کریں۔انہوں نے کہا کہ حارث رئوف میلبرن سٹارز کے زبردست ایمبیسیڈر ہیں، ہم منتظر ہیں کہ پاکستان کا پرجوش کراوڈ آئے اور میلبرن سٹارز کو سپورٹ کرے۔میکس ایبٹ کا ماننا ہے کہ پاکستانی کرکٹرز کے لیے آنے والے پاکستانی فینز کی وجہ سے ایم سی جی میں دلکش ماحول پیدا ہوتا ہے، ساتھ ایشین کرکٹرز اور کمیونٹی کے لیے اقدامات کرنا کرکٹ آسٹریلیا کے ملٹی کلچرل ایکشن پلان کا حصہ ہے۔

کریڈٹ: انڈیپنڈنٹ نیوز پاکستان-آئی این پی