اسلام آباد نے دوسری یس ویمن ٹی ٹین لیگ کاٹائٹل اپنے نام کرلیا، فائنل میں دفاعی چیمپئن راولپنڈی کو 16رنز سے شکست دی۔ ماہم انیس بہترین بلے باز، تانیہ سعید بہترین بالر اور حمنا بلال بہترین آل رائونڈر قرار پائیں۔ یوتھ ایجوکیشن اینڈ سپورٹس ویلفیئر سوسائٹی کے زیراہتمام راول روڈ کرکٹ گرائونڈ میں ہونیوالی دوسری یس ویمن ٹی ٹین لیگ راولپنڈی، اسلام آباد، پنجاب، سندھ، خیبرپختونخوا اور بلوچستان سے چھ ٹیموں نے حصہ لیا۔ فائنل میں اسلام آباد نے مقررہ 10اوورز میں پانچ وکٹوں پر 84رنز بنائے، ماہم انیس 37گیندوں پر 57رنز بنا کر نمایاں رہیں جبکہ عائشہ عاشق نے 10رنز بنائے۔ راولپنڈی کی ماہم نزاکت، حمنا بلال اور کرن ملک نے ایک ایک وکٹ حاصل کی۔ جواب میں راولپنڈی کی ٹیم مقررہ اوورز میں 5وکٹوں پر 68رنز بنا سکی۔ راولپنڈی کی جانب سے حمنا بلال نے 53رنز بنائے۔ اسلام آباد کی جانب سے تانیہ سعید نے دو آوٹ کے۔ راولپنڈی کرکٹ ایسوسی ایشن کے سابق چیئرمینن شرف قریشی نے یس کے صدر زاہداعوان،سابق ٹیسٹ کرکٹر نویدقریشی کے ہمراہ انعامات تقسیم کیے۔

کریڈٹ: انڈیپنڈنٹ نیوز پاکستان-آئی این پی