آسٹریلیا نے بھارت کے خلاف ون ڈے اور ٹی 20 سیریز کے لئے اپنے سکواڈز کا اعلان کردیا۔ کرکٹ آسٹریلیا کے سلیکشن پینل نے ون ڈے سیریز اور پہلے دو ٹی 20 میچز کے لئے سکواڈز کا اعلان کیا ہے، بھارت کی ٹیم دورہ آسٹریلیا میں تین ون ڈے اور 5 ٹی 20 میچز کی سیریز کھیلے گی۔دونوں ٹیموں کے درمیان ون ڈے میچز 19، 23 اور 25 اکتوبر کو کھیلے جائیں گے جبکہ ٹی 20 میچز 29، 31 اکتوبر، 2، 6 اور 8 نومبر کو کھیلے جائیں گے، آسٹریلیا کے وائٹ بال سکواڈز کی قیادت آل رانڈر مچل مارش کریں گے جبکہ مچل سٹارک، میٹ شارٹ اور مچل اوون کی ون ڈے سکواڈ میں واپسی ہوئی ہے۔میتھیو رینشا کو 2022 کے بعد پہلی مرتبہ ون ڈے سکواڈ میں شامل کیا گیا ہے جبکہ جوش انگلس کی معمولی انجری کے بعد ٹی 20 سکواڈ میں واپسی ہوئی ہے، فاسٹ بولر پیٹ کمنز کمر کی تکلیف کے باعث جبکہ آل رائونڈر گلین میکسویل بازو میں فریکچر کی وجہ سے دستیاب نہیں ہیں، مارنوس لبوشین بھی دونوں سکواڈز میں جگہ نہ بنا سکے۔

کریڈٹ: انڈیپنڈنٹ نیوز پاکستان-آئی این پی