بھارتی ٹیم کے فاسٹ بولر ارشدیپ سنگھ اور ان کی مبینہ گرل فرینڈ سمرین کور نے سوشل میڈیا پر لوگوں کی توجہ حاصل کرلی ۔ سوشل میڈیا پوسٹ میں ابھرتی ہوئی پنجابی سٹار سمرین کور کے ساتھ انہیں ڈیٹنگ کرتے دکھایا گیا ہے۔ سمرین کور نوجوان اداکارہ اور ماڈل ہیں جو پنجابی شوبز کے میدان میں نام بنا رہی ہیں، جموںو کشمیر میں پیدا ہوئی سمرین سمبیوس کالج آف آرٹس اینڈ کامرس سے بی کام (آنرز) کی ڈگری حاصل کرنے کے لئے پونے منتقل ہوئیں جبکہ ابتدائی تعلیم جموں میں حاصل کی۔ اداکاری اور ماڈلنگ میں مواقع تلاش کرتے ہوئے اداکارہ نے چندی گڑھ میں ایم بی اے پروگرام میں داخلہ لیا۔ ارشدیپ سنگھ کی جانب سے اسنیپ چیٹ کی واضح تصویروں کا ایک سلسلہ شیئر کرنے کے بعد شروع ہوا جو فورا وائرل ہوگئیں۔

تصاویر میں کرکٹر ایک خاتون کا ہاتھ پکڑے ہوئے نظر آرہے ہیں جس کا چہرہ چھپا ہوا ہے، اس کے بعد سے نیٹیزنز نے ان تصاویر کا باریک بینی سے تجزیہ کرنا شروع کر دیا ہے جس میں کچھ لوگوں نے لڑکی پر ہاتھ کا ٹیٹو دیکھا ہے جو کہ سمرین کور سے مماثلت رکھتا ہے۔ اس سے قبل وہ نکون انڈیا، ایف بی بی، ویٹ اور گلین مارک جیسے برانڈز کے ساتھ کام کر چکی ہیں، اداکاری میں آنے سے پہلے انہوں نے اپنے آپ کو ایک کامیاب ماڈل کے طور پر قائم کیا اور اس کے بعد سے میوزک ویڈیوز، ویب سیریز، اور فلموں میں اپنی صلاحیتوں کا مظاہرہ کیا جن میں 83، سردار جی 2، جند ماہی، نیل پالش، اور تانڈو شامل ہیں۔

کریڈٹ: انڈیپنڈنٹ نیوز پاکستان-آئی این پی