بنگلہ دیش کے سپن بولنگ کنسلٹنٹ مشتاق احمد نے کہا ہے کہ بنگلہ دیش ٹیم سیریز میں بڑے مضبوط طریقے سے کم بیک کرے گی۔ سیریز کے پہلے ٹی ٹونٹی میچ میں پاکستانی کراوڈ کی طرف سے اچھی سپورٹ ملی جو کہ اچھی بات ہے۔ میڈیا سے گفتگو کرتے ہوئے بنگلہ دیش کے سپن بولنگ کنسلٹنٹ نے کہا کہ پاکستان ٹیم کو کریڈٹ جاتا ہے بہت مثبت کرکٹ کھیلی۔ مشتاق احمد کا کہنا تھا کہ شاداب خان تجربہ کار بولر ہیں اور رشاد کا مستقبل بھی روشن ہے، بنگلہ دیش کے بولرز کنڈیشنز سے ہم آہنگ ہو رہے ہیں۔ انہوں نے کہا کہ سلمان علی آغا نے عمدہ اننگز کھیلی، ہمارے دو اہم بولرز مستفیض الرحمان اور تسکین احمد ٹیم میں شامل نہیں ہیں۔

کریڈٹ: انڈیپنڈنٹ نیوز پاکستان-آئی این پی