فیفا نے 2026 ورلڈ کپ کے ٹکٹوں کی قیمتوں پر تنقید کے بعد 60 ڈالر کی نئی کیٹیگری متعارف کروادی۔فیفا نے اعلان کیا ہے کہ اس نے ہرمیچ ،خاص طور پرمدمقابل ٹیموں کے حامیوں کے لئے ٹکٹوں کا ایک نیا درجہ بنایا ہے، جس میں فائنل سمیت ٹورنامنٹ کے ہر میچ کے لیے فی ٹکٹ 60 ڈالر( 45 برطانوی پائونڈز) قیمت مقرر کی گئی ہے۔فیفا کے صدر نے اس کیٹیگری کو سپورٹر انٹری ٹائر قرار دیا ہے۔ یہ کیٹیگری صرف کوالیفائی کرنے والی ٹیموں کے شائقین کے لئے ہوگی ۔ ٹکٹیں متعلقہ ملک کی نیشنل فٹ بال ایسوسی ایشن کے ذریعے تقسیم کی جائیں گی۔ ہرمیچ کیلئے ایک ہزار ٹکٹیں فروخت کی جائیں گی۔ٹکٹ کی نئی قیمت ان ممالک کے سرگرم شائقین کی ایک مخصوص تعداد کے لئے دستیاب ہو گی جنہوں نے ورلڈ کپکیلئے کوالیفائی کیا ہے۔ فیفا کے ایک عہدیدار نے کہا کہ ہم نے ٹکٹ نرخوں پر تاثرات کو سنا ہے اور یہ نیا زمرہ صحیح فیصلہ ہے،یہ فیصلہ متفقہ تھا۔

کریڈٹ: انڈیپنڈنٹ نیوز پاکستان-آئی این پی