قومی وائٹ بال ٹیم کے ہیڈ کوچ مائیک ہیسن نے کہا ہے کہ بابر اعظم ٹی ٹوئنٹی میں نمبر تین پر بیٹنگ کریں ،فخر زمان کو فرسٹ کلاس کرکٹ میں کام کرنے کی ضرورت ہے۔راولپنڈی میں پریس کانفرنس کرتے ہوئے قومی وائٹ بال ٹیم کے ہیڈ کوچ مائیک ہیسن نے کہا کہ فخر زمان سے بات کی ہے، انہیں فرسٹ کلاس کرکٹ میں کام کرنے کی ضرورت ہے، وہ ون ڈے ٹیم کا حصہ ہیں، بابر اعظم ٹی ٹوئنٹی میں نمبر تین پر بیٹنگ کریں گے، امید ہے بابر اعظم کی واپسی شاندار ہو گی۔ان کا مزید کہنا تھا کہ محمد حارث کو کافی مواقع دئیے لیکن وہ فائدہ نہیں اٹھا سکے، ورلڈ کپ کی تیاریوں کے حوالے سے مختلف آپشنز پر غور کریں گے، ایشیا کپ کا فائنل ہارنے پر مایوسی ہوئی۔

کریڈٹ: انڈیپنڈنٹ نیوز پاکستان-آئی این پی