سینئر اداکار فردوس جمال نے تصدیق کی ہے کہ وہ کینسر جیسے موذی مرض سے صحت یاب ہوگئے، تاہم ساتھ ہی انہوں نے مداحوں سے ہمیشہ صحت یابی کے لیے دعائوں کی درخواست بھی کردی۔فردوس جمال میں دسمبر 2022 میں کینسر کی تشخیص کی تصدیق ان کے بیٹے حمزہ فردوس نے کی تھی اور بتایا تھا کہ ان کے والد کا علاج شروع کردیا گیا۔طویل سرجری کے دوران فردوس جمال کا کینسر کا غدود نکالا گیا تھا اور اس کے بعد ان کی کیمو اور ریڈیو تھراپی شروع کی گئی تھی اور اب اداکار نے اپنے صحت مند ہونے کی تصدیق کردی۔ فردوس جمال حال ہی میں ایک ٹی وی شو میں شریک ہوئے، جہاں انہوں نے کیریئر سمیت دیگر معاملات پر کھل کر بات کی۔انہوں نے یہ انکشاف بھی کیا کہ جوانی میں اداکاری کے جنون میں انہوں نے سخت بخار کے ساتھ بھی شوٹنگ کروائی تھی۔ فردوس جمال نے اپنی بیماری سے متعلق بھی بات کی اور بتایا کہ انہیں بڑی آنت کا کینسر ہوگیا تھا۔ان کے مطابق ان کی سرجری کے بعد ان کی کیمو اور ریڈیو تھراپی ہوئی اور اب وہ بالکل ٹھیک ہیں۔ساتھ ہی فردوس جمال نے مداحوں سے اپیل کی کہ وہ ان کے لیے دعا کریں کہ وہ مستقبل میں بھی صحت مند رہیں۔

کریڈٹ: انڈیپنڈنٹ نیوز پاکستان-آئی این پی