پاکستان کرکٹ ٹیم کے جارح مزاج بیٹر فخر زمان نے ٹی ٹوئنٹی انٹرنیشنل کرکٹ میں اہم سنگ میل عبور کرلیا۔فخر زمان نے سہ ملکی ٹی ٹوئنٹی سیریز کے چوتھے میچ میں افغانستان کے خلاف شارجہ کرکٹ اسٹیڈیم میں ایک بڑا اعزاز حاصل کر لیا۔ انہوں نے ٹی ٹوئنٹی انٹرنیشنل میچز کھیلنے کی سنچری مکمل کرلی۔فخر زمان نے 2017 میں ویسٹ انڈیز کے خلاف اپنے ٹی ٹوئنٹی کیریئر کا آغاز کیا تھا اور منگل کو افغانستان کے خلاف میچ فخر کا 100 واں ٹی ٹوئنٹی انٹرنیشنل میچ تھا۔فخر زمان 100 ٹی ٹوئنٹی انٹرنیشنل میچز کھیلنے والے چھٹے پاکستانی کھلاڑی ہیں۔ اس سے قبل بابر اعظم، محمد حفیظ ، شعیب ملک ، شاداب خان اور محمد رضوان بھی 100 ٹی ٹوئنٹی انٹرنیشنل میچز کھیل چکے ہیں۔

کریڈٹ: انڈیپنڈنٹ نیوز پاکستان-آئی این پی