i کھیل

کراچی، کرکٹ میچ کے دوران معمولی جھگڑا، نوجوان کی جان لے گیا،واقعہ کا مقدمہ درجتازترین

August 18, 2025

کراچی میں کرکٹ کھیلتے ہوئے معمولی بات پر جھگڑا کرنے والے دو بھائیوں کی فائرنگ نے بیس سالہ نوجوان عبدالرزاق کی جان لے لی۔پولیس کے مطابق یکم اگست کو عبدالرزاق کا عثمان اور عدنان نامی بھائیوں سے کرکٹ پر معمولی بات پر جھگڑا ہوا تھا، جس کے بعد ملزمان نے عبدالرزاق پر فائرنگ کر دی۔عبدالرزاق شدید زخمی ہو گیا اور اسے فوری طور پر نجی اسپتال منتقل کیا گیا جہاں وہ زندگی اور موت کی کشمکش میں رہنے کے بعد پیر کو دم توڑ گیا۔پولیس نے واقعہ کا مقدمہ درج کر لیا ہے اور قتل کی دفعات شامل کرنے کا فیصلہ کیا ہے۔ تاہم، فائرنگ کرنے والے ملزمان فرار ہیں اور پولیس ان کی گرفتاری کے لیے چھاپے مار رہی ہے۔

کریڈٹ: انڈیپنڈنٹ نیوز پاکستان-آئی این پی