پاکستان کے فاسٹ بولر حارث رئہف نے بنگلادیش کے خلاف دوسرے ٹی ٹوئنٹی میں کامیابی کے بعد کہا کہ ہمارے بیٹرز ماڈرن ڈے کرکٹ کھیل رہے ہیں، بولرز کی بھی کوشش ہوتی ہے کہ کم سے کم رنز دیں۔ گزشتہ روز گفتگو کرتے ہوئے حارث رئوف نے کہا کہ ٹی ٹوئنٹی میں اب 200 رنز پار اسکور ہو چکا ہے، ہمارے بیٹرز ماڈرن ڈے کرکٹ کھیل رہے ہیں۔انہوں نیکہا کہ جو دستیاب کھلاڑی ہوتے ہیں انہیں ہی پارٹنر سمجھتے ہیں، شاہین اور نسیم کے ساتھ کافی کرکٹ کھیلی ہے، حسن علی کے ساتھ اب کھیلنے کا موقع مل رہا ہے، ان سے سیکھ رہا ہوں، ہمیں صورتحال کے مطابق پلان دیا جا رہا ہے، چھوٹی چھوٹی چیزوں کو بہتر کر رہے ہیں ان کا ہی فائدہ ہوتا ہے۔حارث رئوف نے کہا کہ دنیا بھر میں بہترین بولرز کو روٹیشن پالیسی کے تحت کھلایا جاتا ہے، ہمارے پاس بنچ اسٹرنتھ نہیں تھی، ہمیں مسلسل کھیلنا پڑا، مستقبل میں روٹیشن پالیسی اپنائی جا سکتی ہے۔ قومی فاسٹ بولر کا کہنا تھا کہ منیجمنٹ، کوچ اور کپتان تبدیل ہوتے رہے ہیں، اس سے ٹیم ڈسٹرب ہوتی ہے پھر اس طرح کے ہی ریزلٹ آتے ہیں، جو منیجمنٹ اور ٹیم بناتے ہیں وہ لانگ ٹرم کا پلان ہوتا ہے ،کوئی چھ مہینے کا پلان کر کے نہیں آتا، اب نئی منیجمنٹ ہے، سلمان علی آغا سپورٹ کر رہے ہیں، ریزلٹ اچھے آئیں گے۔

کریڈٹ: انڈیپنڈنٹ نیوز پاکستان-آئی این پی