وفاقی سیکرٹری بین الصوبای رابطہ اور پاکستان سپورٹس بورڈ کے ناب صدر محی الدین وانی نے کھیلوں میں نوجوانوں کی دلچسپی اور جذبہ کو بڑھانے کیلئے اسپورٹس کمپلیکس کے دروازے عوام کیلے کھولنے کی سخت ہدایات جاری کردی۔ یہ احکامات انہوں نے ڈائریکٹر جنرل پاکستان اسپورٹس بورڈ (پی ایس بی) یاسر پیرزادہ کی جانب سے لگائی گئی پابندیوں کے سدباب کے طور پر جاری کے جنہوں نے اسپورٹس کمپلیکس اسلام آباد کو صرف ممبران کے لیے مخصوص کرتے ہوے طلبہ اور عام عوام کو موثر طریقے سے باہر کر دیا گیا تھا۔ وفاقی سیکرٹری محی الدین والی نے اسپورٹس کمپلیکس کو اس کے اصل مقصد کی طرف واپس لاتے ہوے نوجوانوں کی کھیلوں میں شمولیت اور کھیلوں کی ترقی کے لیے پی ایس بی کو مزید اقدامات کرنے کی بھی ہدایت کی ہے۔ قبل ازیں محی الدین وانی کی زیرصدارت اجلاس میں اسلام آباد کے اسکولوں میں کھیلوں کے فروغ کے پیش نظر سکولز میں کھیلوں کی سہولیات قائم کرنے سمیت سکولز کو کھیلوں سامان فراہم کرنے کا بھی فیصلہ کیا گیا ہے جس کیلے ڈی جی پاکستان سپورٹس بورڈ کی سربراہی میں کمیٹی بھی بنادی گئی ہے۔

کریڈٹ: انڈیپنڈنٹ نیوز پاکستان-آئی این پی