بھارتی فاسٹ بولر محمد شامی بھی بھارتی میڈیا کی فیک نیوز پر پھٹ پڑے۔میڈیا رپورٹ کے مطابق محمد شامی نے بھارتی نیوز ویب سائٹ کی شائع کردہ فیک نیوز کا سکرین شاٹ لے کر سوشل میڈیا پر پیغام جاری کیا، بھارتی صحافی نے روہت شرما اور ویرات کوہلی کے بعد محمد شامی کی ٹیسٹ کرکٹ سے ریٹائرمنٹ کی خبر دی تھی۔محمد شامی نے سوشل میڈیا پوسٹ پر بھارتی صحافی کو طنزیہ مخاطب ہوتے ہوئے لکھا کہ بہت اچھے مہاراج اپنی نوکری کے دن بھی گن لوکتنے دن رہ گئے ہیں ہمارا بعد میں دیکھ لینا۔بھارتی کرکٹر کا مزید کہنا تھا آپ جیسے لوگوں نے ہمارے مستقبل کا ستیاناس کیا ہوا ہے، کبھی تو اچھا بول لیا کرو، مزید لکھا کہ معذرت کے ساتھ یہ آج کی سب سے خراب سٹوری ہے۔

کریڈٹ: انڈیپنڈنٹ نیوز پاکستان-آئی این پی