چیئرمین پاکستان کرکٹ بورڈ(پی سی بی)محسن نقوی نے بغیر کچھ کہے بھارتیوں کے زخموں پر نمک چھڑک دیا۔سماجی رابطے کی ویب سائٹ ایکس پر چیئرمین پی سی بی محسن نقوی نے پرتگال سے تعلق رکھنے والے دنیائے فٹبال کے نامور کھلاڑی کرسٹیانو رونالڈو کی ایک ویڈیو شیئر کی۔سوشل میڈیا پر شیئر کی گئی ویڈیو میں رونالڈو جہاز کے اڑان بھرنے اور نیچے کی طرف آنے کے اشارے کرتے دکھائی دے رہے ہیں۔چیئرمین پی سی بی نے سوشل میڈیا پر شیئر کی گئی ویڈیو کے ساتھ کوئی کیپشن مینشن نہیں کیا، تاہم ان کی جانب سے جہاز گرانے کی شیئر کردہ ویڈیو نے بھارتیوں کے زخم ہرے کردئیے۔اس سے قبل پاکستانی اسپنر سفیان مقیم نے بھی رونالڈو کی مذکورہ ویڈیو اپنی انسٹاگرام اسٹوری پر شیئر کرکے ہینڈ شیک تنازعے کا جواب دیا تھا اور کیپشن میں لکھا تھا انہیں(رونالڈو) کوکس نے بتایا؟۔

کریڈٹ: انڈیپنڈنٹ نیوز پاکستان-آئی این پی