پاکستان کرکٹ بورڈ کے چیرمین محسن نقوی سے پاکستان ٹینس فیڈریشن کے صدر اعصام الحق قریشی نے ملاقات کی ، محسن نقوی کی جانب سے اسلام آباد میں ٹینس کورٹس سے متعلق مسائل کے حل کیلئے متعلقہ حکام کو ہدایات جاری کرنے سمیت ٹینس کے کھیل کے فروغ کے لئے ہر ممکن تعاون کی یقین دہانی کرادی گئی ۔ تفصیل کے مطابق ملاقات میں پاکستان میں ٹینس کے فروغ کیلئے کئے گئے اقدامات پر تبادلہ خیال کیا گیا۔ اعصام الحق نے اسلام آباد میں ٹینس کورٹس سے متعلق مسائل سے آگاہ کیا۔ چئیرمین پی سی بی محسن نقوی کی ٹینس کے کھیل کے فروغ کے لئے ہر ممکن تعاون کی یقین دہانی کرواتے ہوے کہا کہ نئے ٹینس کورٹس بھی بنائیں گے۔ محسن نقوی نے کہا کہ کرکٹ کی طرح پاکستان میں ٹینس کا بھی بے پناہ ٹیلنٹ ہے۔ چاہتے ہیں کہ ٹینس میں بھی پاکستانی کھلاڑی ملک و قوم کا نام روشن کریں۔ نوجوانوں میں پیڈل ٹینس کا کھیل بھی مقبول ہورہا ہے۔ پیڈل ٹینس کے نئے مواقع سے نوجوانوں کو بھرپور فائدہ اٹھانے کے لیے ٹینس فیڈریشن کو مکمل سپورٹ کریں گے۔ پی سی بی پاکستان ٹینس فیڈریشن کے ساتھ ہر ممکن تعاون کئے تیار ہے۔ اعصام الحق قریشی نے پاکستان میں آئی سی سی چیمپئنز ٹرافی کے کامیاب انعقاد پر چیئرمین پی سی بی محسن نقوی کو مبارکباد دیتے ہوے ملک میں کرکٹ کے فروغ کیلئے چئیرمین پی سی بی محسن نقوی کی کاوشوں کو سراہا۔اعصام الحق نے ٹینس کورٹس سے متعلق مسائل کے حل اور نئے ٹینس کورٹس بنانے کی یقین دہانی پر چیئرمین پی سی بی محسن نقوی کا شکریہ ادا کیا۔ چیف آپریٹنگ آفیسر پی سی بی سمیر احمد بھی اس موقع پر موجود تھے

کریڈٹ: انڈیپنڈنٹ نیوز پاکستان-آئی این پی