ملک میں کرکٹ کی بہتری کیلئے ڈائریکٹر ہائی پرفارمنس عاقب جاوید نے اہم پلان پیش کردیا۔ذرائع کے مطابق پلان قومی کرکٹ ٹیموں، شاہینز ، ایمرجنگ اور ایج گروپس ٹیموں کے لیے تیار کیا گیا ہے جسے ڈائریکٹر ہائی پرفارمنس عاقب جاوید نے پلان منظوری کے لیے پیش کیا ہے۔ذرائع کا کہنا ہے کہ پلان کے تحت بائیومکینکس لیب کو مقامی یونیورسٹی سینیشنل کرکٹ اکیڈمی لاہور منتقل کرنیکاپلان ہے، کرکٹرز کو جدید آلات اور سافٹ وئیرز کے ساتھ ٹریننگ دی جائے گی۔ ذرائع کے مطابق فیصل آباد اور سیالکوٹ کے ہائی پرفارمنس سینٹرز کو بھی آباد کرنے کا منصوبہ ہے، سیالکوٹ میں انڈر 13 اور انڈر15 ایج گروپس کے کھلاڑیوں کے پروگرامز ہونگے جب کہ فیصل آباد میں انڈر 17 ایج گروپ کیکھلاڑیوں کے طویل ٹریننگ پروگرام ہوں گے۔ ذرائع کا بتانا ہے کہ نیشنل کرکٹ اکیڈمی میں 30 سے 35 کرکٹرز کی ٹریننگ قومی ٹیم کی بنچ اسٹرنتھ کے لیے ہو گی جب کہ ملتان میں انڈر 19 اور کراچی میں ویمن کرکٹرز کے سینٹرز ہوں گے۔ذرائع کے مطابق ٹیسٹ سیریز کی ابھی سے تیاری کے لیے بھی پلان تیار کر لیا گیا ہے، ریڈ بال کے لیے فوری طور پر ہیڈ کوچ مقرر نہیں کیا جا رہا جب کہ ریڈ بال ہیڈ کوچ کے لیے مصباح الحق سمیت کئی نام زیر غور ہیں۔

کریڈٹ: انڈیپنڈنٹ نیوز پاکستان-آئی این پی