ناروے میں منعقدہ عالمی سطح پر ہونے والے سب سے بڑے یوتھ فٹبال ناروے کپ میں پاکستان اسٹریٹ چالڈ ٹیم اور موڈیم کلب کے درمیان میچ 1-1گول سے برابر رہا۔ ناروے کے دارالحکومت اوسلو میں جاری ایونٹ میں اسٹریٹ چالڈ ٹیم نے گول کرکے برتری قائم کی لیکن میچ کے آخری لمحات میں حریف ٹیم موڈیم ایف سی نے گول کر کے مقابلہ برابر کر دیا۔دنیا بھر میں فلاحی سرگرمیوں کے حوالے سے معروف مسلم ہینڈز کے تحت اسلام آباد کی اسٹریٹ چائلڈ ٹیم انڈر17 بوئز ایونٹ میں شریک ہے۔ ناروے کپ میں 30 سے زائد ممالک کی 2 ہزار سے زائد ٹیموں کے درمیان 90 میدانوں میں مقابلے ہو رہے ہیں۔

کریڈٹ: انڈیپنڈنٹ نیوز پاکستان-آئی این پی