نیشنل یوتھ گیمز میں شرکت کیلے سندھ باسکٹ بال ٹیوں کے ٹرائلز آج (ہفتہ) کو ہونگے۔ کراچی باسکٹ بال ایسوسی ایشن کے سیکریٹری جنرل یعقوب قادری کے مطابق سندھ سپورٹس بورڈ اور سندھ اولمپک ایسوسی ایشن کی معاونت سے انڈر 16 بوائز اور گرلز ٹیموں کا چنائو ایل او بی باسکٹ بال کورٹ، ڈی ایچ اے کراچی میں کا جائے گا۔انہوں نے بتایا کہ ٹیموں کی میرٹ پر سلیکشن کیلئے معرکہ حق انڈر 16تھری بائی تھری باسکٹ بال چیمپئن شپ منعقد ہوگی جس میں تمام کھلاڑیوں کی صلاحیتوں کو جانچا جائے گا۔جس کے نتیجہ میں سندھ کے بوئاز اور گرلز ٹیموں کا چناو عمل میں لایا جائے گا جو چھ ستمبر سے اسلام آباد میں کھیلی جانیوالی نیشنل یوتھ گیمز میں حصہ لے گی۔یعقوب قادری نے کہا کہ یہ چیمپئن شپ اور ٹرائلز کا عمل ہمیں بہترین نوجوان کھلاڑیوں کی شناخت اور تیاری میں مدد دے گا تاکہ وہ سندھ کی نمائندگی نیشنل یوتھ گیمز میں شاندار طریقے سے کر سکیں۔

کریڈٹ: انڈیپنڈنٹ نیوز پاکستان-آئی این پی