فرسٹ کلاس کرکٹ ٹورنامنٹ قائد اعظم ٹرافی 2025 سیزن میں کراچی کے مرزا سعد بیگ نے ایک ہزار رنز کا سنگ میل عبور کر لیا۔ پاکستان انڈر 19 کی آئی سی سی ورلڈ کپ میں قیادت کرنے والے وکٹ کیپر بیٹر نے بطور اوپنر کراچی بیلوز کیلئے 10 میچ کھیلے۔ انہوں نے 19 اننگز میں ایک بار نائو ٹ آٹ رہتے ہوئے 55.55 کی اوسط سے 1000 رنز بنائے۔ بائیں ہاتھ کے بیٹر نے سیزن میں 1480 گیندوں پر چار سنچریاں اور تین نصف سنچریاں بنائیں، مرزا سعد بیگ نے اس دوران 135 چوکے اور 13 چھکے لگائے۔قذافی اسٹیڈیم میں سیالکوٹ کے خلاف فائنل سے پہلے 9 میچوں کی 17 اننگز میں 930 رنز بنائے تھے۔ فائنل کی پہلی اننگز میں سعد بیگ نے 39 اور دوسری اننگز میں 31 رنز بنائے اور قائد اعظم ٹرافی کی تاریخ میں ہزار رنز بنانے والے چھٹے بیٹسمین بن گئے۔قائد اعظم ٹرافی 2009-10 میں کراچی بلیوز کے اسد شفیق نے 11 میچوں میں 1104، ملتان کے نوید یاسین نے 10 میچوں میں 1055 رنز بنائے۔17-2016 میں کامران اکمل نے واپڈا کیلئے 9 میچوں میں 1035 رنز اسکور کیے۔2020-21 میں خیبرپختونخوا کیلئے کامران غلام نے گیارہ میچوں میں ریکارڈ 1249رنز بنائے اور 23-2022 میں نارتھ پنجاب کیلئے محمد حریرہ نے 11 میچوں میں 1024رنز اسکور کیے تھے۔

کریڈٹ: انڈیپنڈنٹ نیوز پاکستان-آئی این پی