آئی سی سی ویمنز کرکٹ ورلڈ کپ کیلے پندرہ رکنی پاکستان سکواڈ کا اعلان ہوگیا، ورلڈ کپ کوالیفائر سکواڈ میں دو تبدیلیاں کی گی،فاطمہ ثنا پہلی مرتبہ ون ڈے ورلڈکپ میں کپتانی کریں گی۔ پاکستان کرکٹ بورڈ نے بھارت اور سری لنکا میں 30 ستمبر سے دو نومبر تک منعقدہ وویمنز کرکٹ ورلڈ کپ کیلے قومی ٹیم کا اعلان کیا۔ پاکستان کے تمام ورلڈ کپ میچز کولمبو، سری لنکا میں ہوں گے۔ایمان فاطمہ پہلی بار پاکستان ورلڈکپ سکواڈ میں شامل کیا گیاہے۔ نتالیہ پرویز، رامین شمیم، صدف شمس، سعدیہ اقبال، شوال ذوالفقار، سیدہ عروب شاہ پہلی بار ون ڈے ورلڈکپ کھیلیں گی۔ ورلڈ کپ کوالیفائر سکواڈ میں دو تبدیلیاں کرتے ہوے گل فیروزہ اور نجیحہ علوی کو ڈراپ کردیا گیا۔ٹیم کے دیگرممبران میں منیبہ علی صدیقی، عالیہ ریاض، ڈیانا بیگ، نشرا سندھو، عمائمہ سہیل، سدرہ امین، سدرہ نواز بھی شامل ہیں۔ نان ٹریولنگ ریزروز میں گل فیروزہ، نجیحہ علوی، طوبہ حسن، امِ ہانی اور وحیدہ اختر شامل ہیں۔ پندرہ رکنی سکواڈ جنوبی افریقہ سے تین ون ڈے انٹرنیشنل بھی کھیلے گا جو 16 سے 22 ستمبر تک لاہور میں ہوگی۔ جنوبی افریقہ وویمنز ٹیم 12 ستمبر کو لاہور پہنچے گی۔
کریڈٹ: انڈیپنڈنٹ نیوز پاکستان-آئی این پی