بھارتی بلے باز ویرات کوہلی نے آئی پی ایل میں ایک اور ریکارڈ اپنے نام کرتے ہوئے تاریخ رقم کردی۔ ویرات کوہلی 8 سیزن میں 500 سے زائد رنز بنانے والے پہلے کھلاڑی بن گئے، انہوں نے گزشتہ روز چنئی سپر کنگز کیخلاف رائل چیلنجرز بنگلورو کی نمائندگی کرتے ہوئے 33 بالز پر 62 رنز بناکر حالیہ سیزن میں اورنچ کیپ پر گرفت بھی مضبوط بنالی۔ کوہلی اب تک موجودہ سیزن میں 505 رنز جوڑ چکے ہیں، ان کی اوسط 63.13 رہی ہے۔ ڈیوڈ وارنر اب تک 7 سیزن میں 500 رنز بناکر دوسرے نمبرپر ہیں، کوہلی نے 2011 میں 557 رنز، 2013 میں 634، 2015 میں 505 اور 2016 میں ریکارڈ شکن 937 رنز بنائے تھے، 2018 میں انہوں نے 530 رنز، 2023 میں 639 اور 2024 میں 741 رنز جوڑے تھے۔

کریڈٹ: انڈیپنڈنٹ نیوز پاکستان-آئی این پی