آسٹریلیا کے لیفٹ آرم فاسٹ بولر مچل سٹارک نے کہا ہے کہ وسیم اکرم لیفٹ آرم فاسٹ بولرز کے سب سے بلند مقام پر ہیں۔ برسبین میں شروع ہونے والے ایشز سیریز کے دوسرے ٹیسٹ کے پہلے روز مچل سٹارک نے انگلینڈ کے چھ کھلاڑیوں کو پویلین کی راہ دکھائی جس کے بعد ان کی مجموعی وکٹوں کی تعداد 418 ہوگئی جو کہ وسیم اکرم سے چار زیادہ ہے۔ اس متعلق گفتگو کرتے ہوئے مچل سٹارک کا کہنا تھا کہ وسیم اکرم ان سے ابھی بھی بہت بہتر بولر ہیں جہاں تک ان ( سٹارک) کا خیال ہے وہ وسیم اکرم لیفٹ آرم فاسٹ بولرز کے سب سے بلند مقام پر ہیں۔ انہوں نے کہا کہ ان کے متعلق ایسی باتیں ہونا اچھا ہے لیکن وہ بس جلدی جلدی وکٹیں حاصل کرنے کی کوشش کرتے ہیں۔ واضح رہے 418 وکٹوں کے ساتھ مچل سٹارک اب کرکٹ کی تاریخ کے 15 ویں سب سے زیادہ وکٹیں حاصل کرنے والے بول بن گئے ہیں اور ان سے اوپر جنوبی افریقا کے سابق کپتان شان پولاک 421 وکٹیں موجود ہیں۔

کریڈٹ: انڈیپنڈنٹ نیوز پاکستان-آئی این پی