بھارت انتہاپسند حکمراں جماعت کے رکن اور ہیڈکوچ گوتم گمبھیر بھی پاکستان مخالفت نے گنگولی اور سنیل گواسکر سے دو ہاتھ اور آگے نکل گئے۔ گوتم گمبھیر نے پہلگام واقعے کے بعد نیوٹرل مقامات پر ہونے والے پاک بھارت میچز بھی بند کرنے کا مطالبہ کردیا۔ ایک بھارتی ٹی وی کو انٹرویو میں گوتم گمبھیر سے سوال کیا گیا کہ پہلگام واقعہ کے بعد کیا پاک بھارت میچز ہونے چاہیئں ؟ جس پر انہوں نے جواب دیا کہ مجھے لگتا ہے کہ اس واقعے کے بعد تمام کرکٹ روابط کو معطل کردینا چاہئے۔ انہوں نے کہا کہ یہ میرا ذاتی جواب بکل نہیں ہے بلکہ اپنی ہندوستانی قوم کے جذبات کی نشاندہی کررہا ہوں۔قبل ازیں سابق کپتان سنیل گواسکر اور سارو گنگولی نے پہلگام واقعے کے بعد پاکستان سے کرکٹ روابط ختم کرنے کا مطالبہ کیا تھا تاہم بھارتی کرکٹ بورڈ کے نائب صدر راجیو شکلا نے اس بیان پر اپنا ردعمل دیتے ہوئے کہا تھا کہ متاثرین کے ساتھ ہیں، ہماری حکومت جو کہے گی، ہم کریں گے۔ انہوں نے کہا کہ پاکستان کیساتھ دوطرفہ سیریز نہیں کھیلیں گے لیکن آئی سی سی ایونٹس میں پاکستان کیخلاف ہماری ٹیم میدان میں اترے گی۔

کریڈٹ: انڈیپنڈنٹ نیوز پاکستان-آئی این پی