سپیکر قومی اسمبلی سردار ایاز صادق نے کہا ہے کہ پاکستان کے نوجوانوں میں ٹیلنٹ کمی نہیں،نوجوانوں کی صحت مند سرگرمیاں ملک کے روشن مستقبل کی ضمانت ہیں۔ سپیکر قومی اسمبلی سے سی ای او لاہور قلندرز عاطف رانا نے ملاقات کی ۔ سپیکر نے لاہور قلندرز کی جانب سے نوجوانوں کو کھیلوں میں شامل کرنے کے اقدامات اور خواتین کو کھیلوں میں مساوی مواقع فراہم کرنے پر سراہا۔ سی ای او لاہور قلندرز نے بتایا کہ لاہور قلندرز کے پلیئر ڈویلپمنٹ پروگرام کے تحت ایک لاکھ سے زائد نوجوانوں کو تربیت دی گئی۔ بلوچستان اور خیبر پختونخوا کے نوجوانوں کی کھیلوں میں شمولیت اولین ترجیح ہے۔سی او لاہور قلندرز کا کہنا تھا کہ خواتین کرکٹ پلیئرز کے ٹیلنٹ ہنٹ پروگرام 25 سے زائد شہروں میں منعقد کیا گیا۔ لاہور قلندرز لاہور قلندرز کا مقصد عام آدمی کو کھیلوں اور تفریح کے کے مواقع فراہم کرنا ہے ۔

کریڈٹ: انڈیپنڈنٹ نیوز پاکستان-آئی این پی