لاہور میں جاری پاکستان ویمن کرکٹ کیمپ میں پریکٹس میچ بارش کی وجہ سے مکمل نہیں ہو سکا۔قذافی اسٹیڈیم میں کھیلے گئے میچ میں ٹیم گرین نے ٹیم وائٹ کے خلاف 45 اوورز میں 217 رنز بنائے۔ٹیم وائٹ نے 20 اوورز میں 101 رنز بنائے کہ بارش ہوگئی جس کی وجہ سے میچ مکمل نہیں ہو سکا۔واضح رہے کہ جنوبی افریقہ ویمن کرکٹ ٹیم کے خلاف سیریز کی تیاری کیلیے پاکستان ویمن کرکٹ ٹیم کا کیمپ لاہور میں جاری ہے۔تین میچوں پر مشتمل سیریز کے لیے جنوبی افریقی ٹیم 12 ستمبر کو لاہور پہنچے گی۔

کریڈٹ: انڈیپنڈنٹ نیوز پاکستان-آئی این پی