امریکی صدر ڈونلڈ ٹرمپ سعودی کلب النصر کے پرتگالی فٹبالر کرسٹیانو رونالڈو سے حالیہ عشائیے پر ہونے والی ملاقات کے اس قدر گرویدہ ہیں کہ انہوں نے کھلاڑی کے ہمراہ فٹبال کھیلتے مصنوعی ذہانت (اے آئی) سے تیار کردہ ویڈیو شیئر کردی۔ٹرمپ نے اپنے سوشل میڈیا پلیٹ فارم ٹروتھ سوشل پر اے آئی سے تیار کردہ ایک ویڈیو شیئر کی ہے۔ مذکورہ ویڈیو میں ٹرمپ اور رونالڈو وائٹ ہاس میں فٹ بال کھیلتے دکھائی دے رہے ہیں۔ٹرمپ کی پرتگالی فٹبالر کے ہمراہ فٹبال کھیلتے یہ ویڈیو سعودی ولی عہد شہزادہ محمد بن سلمان کے اعزاز میں منگل 18 نومبر کو ہونے والے عشائیے کے بعد ٹروتھ سوشل پر شیئر کی گئی ہے۔

ویڈیو میں دیکھا جاسکتا ہے کہ اوول آفس میں ٹرمپ اور پرتگالی فٹبالر موجود ہیں اور چھت سے نیچے آنے والی ایک فٹ بال کو اپنے ہیڈ سے تھرو کرتے ہیں، جبکہ ویڈیو کے اختتام میں ٹرمپ اپنے پیروں پر گھوم کر گیند کو روکتے ہیں اور پھر کیمرے کی سمت زور دار کک لگاتے ہیں۔امریکی صدر نے ویڈیو کے کیپشن میں رونالڈو سے ہونے والی ملاقات کو سراہتے ہوئے لکھا کہ رونالڈو ایک شاندار شخص ہیں۔ وائٹ ہاس میں ان سے مل کر بہت خوشی ہوئی۔ وہ واقعی ذہین اور بہت کول ہیں۔یہ ویڈیو اس وقت مختلف سوشل میڈیا پر وائرل ہے اور صارفین اسے بیحد پسند کر رہے ہیں۔اس سے قبل وائٹ ہائو س کی جانب سے بھی ایک ویڈیو ایکس پر شیئر کی گئی تھی جس میں امریکی صدر اور رونالڈو کو گاٹ قرار دیا گیا تھا۔

کریڈٹ: انڈیپنڈنٹ نیوز پاکستان-آئی این پی