سابق آسٹریلوی کپتان مائیکل کلارک جلد کے کینسر میں مبتلا ہوگئے۔ مائیکل کلارک نے سوشل میڈیا پلیٹ فارم ایکس پر دئیے گئے پیغام میں مداحوں کے نام پیغام میں لکھا کہ جلد کا کینسر خاص طور پر آسٹریلیا میں ایک حقیقت ہے ، میرے ناک پر ایک اور کٹ پڑ گیا ہے ۔سابق آسٹریلوی کپتان نے مداحوں کے نام پیغام میں کہا کہ دوستانہ مشورہ ہے کہ اپنی جلد کا معائنہ کراتے رہیں، احتیاط علاج سے بہتر ہے انہوں نے بتایا کہ میرے کیس میں باقاعدگی سے چیک اپ اور جلد تشخیض اہم ہے ۔یاد رہے کہ سابق کرکٹر کو چند برس قبل جلد کے کینسر کی علامات ظاہر ہوئی تھیں تاہم مائیکل کلارک کی جانب سے جلد کے کینسر کا فوری انکشاف نہیں کیا گیا تھا۔

کریڈٹ: انڈیپنڈنٹ نیوز پاکستان-آئی این پی