پاکستان کے فاسٹ بالر شاہین آفریدی، حارث رئوف، محمد رضوان، حسن علی اور شاداب خان بھی بگ بیش لیگ (بی بی ایل) کا حصہ بن گئے۔شاہین آفریدی، محمد رضوان، حارث رئوف اور شاداب خان پلاٹینم کیٹیگری میں منتخب ہوئے ہیں، شاہین آفریدی کو برسبین ہیٹ نے منتخب کیا جبکہ حارث رئوف ایک بار پھر میلبرن سٹارز کی جانب سے کھیلیں گے۔محمد رضوان میلبرن رینیگیڈز کی جانب سے کھیلیں گے جبکہ پاکستان کے شاداب خان کو سڈنی تھنڈر نے ٹیم کا حصہ بنایا ہے، اس کے علاوہ فاسٹ بالر حسن علی ایڈیلیڈ سٹرائیکرز کی جانب سے بی بی ایل کھیلیں گے اور پاکستان کے حسان خان کو میلبرن رینیگیڈز نے منتخب کیا ہے۔واضح رہے کہ اس سے قبل پاکستان کرکٹ ٹیم کے سابق کپتان بابر اعظم کا آسٹریلیا کی بگ بیش لیگ سے معاہدہ ہوا تھا۔ذرائع کے مطابق سڈنی سکسرز نے بابر اعظم کو بیس پرائز سے زیادہ معاوضے کی پیشکش کر کے پری سائن کیا تھا، بابر اعظم نے بگ بیش لیگ کے لیے سڈنی سکسرز سے تقریبا 10 کروڑ روپے کا معاہدہ کیا تھا۔سڈنی سکسرز نے بابر اعظم کو پلاٹینم کیٹیگری میں پک کیا تھا، پلاٹینم کیٹیگری کی بیس پرائز تقریبا پونے آٹھ کروڑ روپے ہے۔

کریڈٹ: انڈیپنڈنٹ نیوز پاکستان-آئی این پی