سڈنی کے ساحل پر فائرنگ کے واقعے کے بعد بگ بیش لیگ کی ٹیم سڈنی سکسرز نے ہوم گرانڈ پر کھیلے جانے والے میچ کے حوالے سے اعلامیہ جاری کردیا۔سڈنی سکسرز نے کہا ہے کہ فائرنگ کے افسوسناک واقعے کے بعد میچ کے موقع پر اضافی سیکیورٹی تعینات کرنے کا فیصلہ کیا گیا ہے۔سڈنی سکسرز نے کہا کہ شائقین کرکٹ کی حفاظت کے پیش نظر سیکیورٹی کے اضافی اقدامات کیے گئے ہیں۔سڈنی سکسرز نے اعلامیے میں مزید کہا کہ ساحل پر ہونے والے واقعے پر متاثرہ افراد سے افسوس کا اظہار کرتے ہیں، اس سلسلے میں میچ سے قبل خاموشی اختیار کی جائے گی۔سڈنی سکسرز کے مطابق متاثرہ افراد کی یاد میں کھلاڑی بازوں پر سیاہ پٹی باندھیں گے۔ سڈنی سکسرز آج (بدھ کو) ہوم گراونڈ پر ایڈیلیڈ اسٹرائیکرز کا سامنا کرے گی۔

کریڈٹ: انڈیپنڈنٹ نیوز پاکستان-آئی این پی