پاکستان کرکٹ بورڈ کی وویمن کرکٹ کی سربراہ رافعہ حیدر نے کہا ہے کہ پی سی بی کے خواتین ڈپارٹمنٹل کرکٹ کی بحالی کے لیے سٹیک ہولڈرز سے رابطہ ہیں، ورلڈ کپ 2025 کی تیاریوں کے سلسلے میں پاکستان میں ون ڈے انٹرنیشنل سیریز کرانے کی کوشش کر رے ہیں۔ پی سی بی پوڈکاسٹ کی 65ویں قسط میں گفتگو کرتے ہوے رافعہ حیدر نے خواتین کرکٹ کی موجودہ صورتحال پر تفصیلی بات چیت کرتے ہوے کہا کہ مقامی ٹورنامنٹس کی تعداد بڑھانے کی کوششیں جاری ہیں، انہوں نے کراچی میں جاری سکلز ڈیولپمنٹ اور فٹنس کیمپ کے بارے میں بتایا اور کہا کہ ورلڈ کپ 2025 کی تیاریوں کے سلسلے میں پاکستان میں ون ڈے انٹرنیشنل سیریز کرانے کی کوشش جاری ہے۔ رافعہ حیدر نے خواتین کرکٹ میں اپنے انتظامی کردار پر بھی روشنی ڈالی۔

کریڈٹ: انڈیپنڈنٹ نیوز پاکستان-آئی این پی