بھارتی وزیر دفاع راج ناتھ سنگھ نے دعوی کیا ہے کہ آپریشن سندور میں براہموس میزائل نے شاندار کردار ادا کیا جس کے بعد 14، 15 ممالک نے ان میزائلز کی فراہمی کا مطالبہ کیا ۔ بھارتی میڈیا کے مطابق راج ناتھ سنگھ نے لکھنو ئومیں ایک تقریب سے خطاب کرتے ہوئے کہا کہ براہموس میزائل لکھن میں تیار کیے جائیں گے۔حال ہی میں وزیر دفاع اور وزیر اعلی یوگی ادتیاناتھ نے ریاستی دارالحکومت میں براہموس کی تیاری کے مرکز کا افتتاح کیا تھا۔ان کا مزید کہنا تھا کہ براہموس کے پلانٹ سے روزگار کے مواقع بھی پیدا ہوں گے۔براہموس انڈیا اور روس کا باہمی طور پر تیار کیا گیا میزائل ہے۔ یہ ایک لانگ رینج میزائل ہے، جسے آبدوز، جہاز یا بحری جہاز سے بھی چلایا جا سکتا ہے۔

کریڈٹ: انڈیپنڈنٹ نیوز پاکستان-آئی این پی